به‌پێی هه‌واڵی کوردپرێس، دۆناڵد تره‌مپ سه‌رۆک کۆماری ئه‌مریکا حه‌فته‌ی ڕابردوو له لێدوانێکی چاوه‌ڕوان‌نه‌کراودا باسی چوونه‌ده‌ره‌وه‌ی هه‌رچی خێراتری هێزه‌کانی ئه‌و وڵاته له سووریای کرد. هێزه‌کانی ئه‌و وڵاته له ساڵی 2016وه له به‌ره‌نگاربوونه‌وه‌ی داعش یارمه‌تییان به هێزه کوردییه‌کان داوه و ئه‌وان وه‌کوو هێزی وشکانی هاوپه‌یمانیی دژه داعش له‌گه‌ڵ گرووپه توندڕه‌و و تیرۆریستییه‌کاندا شه‌ڕ ده‌که‌ن.
پرسی چوونه‌ده‌ره‌وه‌ی ئه‌مریکا له سووریا به ئاوڕدانه‌وه له‌و هه‌ڕه‌شه‌ی تورکیا بۆ هێرش دژی ناوچه‌کانی ژێر کۆنتڕۆڵی کورده‌کانی سووریا له ڕۆژهه‌ڵاتی ئه‌و وڵاته، چاره‌نووسی ئه‌وانیان به ناڕوونی هێشتۆته‌وه.
هه‌واڵده‌ری فه‌ڕه‌نسا به گێڕانه‌وه له جه‌یمز ماتیز وه‌زیری به‌رگریی ئه‌مریکا نووسیی: سوپای ئه‌مریکا خه‌ریکی گفتوگۆ له‌گه‌ڵ هاوبه‌شانی ئه‌و وڵاته و دیکه‌ی هاوپه‌یمانانیان بۆ چاره‌سه‌رکردنی پرسی پاڵپشتییه‌کانی ئه‌مریکا له کورد پاش چوونه‌ده‌ره‌وه‌ی هێزه‌کانی ئه‌و وڵاته له سووریایه.
کۆدی هه‌واڵنێر: 60104
Your Comment