به‌پێی هه‌واڵی کوردپرێس، فوئاد عه‌لیکۆ به‌رپرسێکی ئه‌نجومه‌نی نیشتمانیی کوردی سووریا که دژ به حیزبی ده‌سه‌ڵاتداری PYDیه له ناوچه کوردنشینه‌کانی سووریا به سپۆتنیکی وتوه: له ماوه‌ی ده ڕۆژی ڕابردوودا نزیکه‌ی 100 هه‌زار که‌س گه‌ڕاونه‌ته‌وه عه‌فرین و ناوچه‌کانی ده‌وروبه‌ری ئه‌و شاره، به‌ڵام هێشتاکه نزیکه‌ی 200 هه‌زار که‌س نه‌گه‌ڕاونه‌ته‌وه.
ناوبراو که هاوکات ئه‌ندامی هاوپه‌یمانیی نیشتمانیی دژبه‌رانی "دوبت"ی سووریایه زیادی کرد: ئێمه هه‌وڵ ده‌ده‌ین دیکه‌ی ئاواره‌کانیش بگه‌ڕێنینه‌وه زێده‌کانی خۆیان. ئه‌نجومه‌نی مه‌ده‌نیی عه‌فرین به‌رده‌وام ده‌بێت له هه‌وڵی خۆی بۆ پێشخستنی ئیداره‌ی شاره‌که.
ناوبراو ئیدعاشی کرد: کاروباری ئه‌منیی شاری عه‌فرین سپێردراوه‌ته ده‌ست پۆلیسی خۆجێی که له هاووڵاتییانی شاری عه‌فرین پێکهاتوووه و هێزه سه‌ربزێوه‌کانی سوپای ئازادی سووریاش له ده‌وروبه‌ری شاره‌که جێگیر کراون.
فوئاد عه‌لیکۆ له باره‌ی دۆخی شاره‌که‌وه وتوویه‌تی: ئاو و کاره‌با زۆر که‌مه و هه‌وڵ ده‌ده‌ین کێشه‌ی شاره‌که چاره‌سه‌ر بکه‌ین.
کۆدی هه‌واڵنێر: 60104
Your Comment