به‌پێی هه‌واڵی کوردپرێس، ڤلادیمێر پووتین سه‌رۆکی ڕووسیا که له تورکیادایه له وه‌ڵامی پرسیارێکدا له‌باره‌ی ئۆپه‌راسیۆنی تورکیا له عه‌فرین و هه‌ڵویستی مۆسکۆ له‌سه‌ر یه‌په‌گه وتی: "هه‌ماهه‌نگیمان دژی تیرۆر به‌رده‌وام ده‌بێت، داهاتووی سووریا له‌لایه‌ن گه‌له‌که‌یه‌وه بڕیاری له‌سه‌ر ده‌درێت."
هاوکات ڕه‌جه‌ب ته‌ییب ئه‌ردۆغان سه‌رۆکی تورکیا ڕای‌گه‌یاندوووه تورکیا و ڕووسیا نیگه‌رانیی هاوبه‌شیان هه‌یه له قه‌یرانی سووریا و له‌سه‌ر ئه‌وه ڕێککه‌وتوون که "گرووپه تیرۆریستییه‌کان" وه‌کوو یه‌په‌گه و داعش داهاتوویان له سووریادا نابێت.
ئه‌وه له کاتێکدایه ڕۆژی ڕابردوو ڤلادیمێر پووتین سه‌رۆکی ڕووسیا سه‌ردانی تورکیای کرد بۆ به‌شداری کردن له کۆنگره‌ی لووتکه‌ی نێوان ڕووسیا و ئێران و تورکیا.
دوای کشانه‌وه‌ی هێزه‌کانی ڕووسیا له ده‌وروبه‌ری کانتۆنی عه‌فرین له سووریا ڕۆژی ٢٠ی فێبریوێریی ڕابردوو سوپای تورکیا به هاوکاریی گرووپه ئۆپۆزسیۆنه‌کانی سووریا ئۆپه‌راسیۆنی بۆ سه‌ر عه‌فرین ده‌ست پێکرد و دوای به‌رگرییێکی نزیکه‌ی دوو مانگی سوپای تورکیا و گرووپه چه‌کداره‌کان چوونه ناو شاره‌که‌وه.
کۆدی هه‌واڵنێر: 60103
Your Comment