به‌پێی هه‌واڵی کوردپرێس، شێخ موزاحم حوه‌یت له‌ لێدوانێکی ڕۆژنامه‌وانیدا ده‌ڵێت: ده‌بێ حه‌یده‌ر عه‌بادی سه‌رۆک وه‌زیرانی عێراق داوای ئه‌مریکا و هاوپه‌یمانانی دژه‌داعش بۆ جێگیر کردنی دووباره‌ی پێشمه‌رگه‌ له‌ تێکڕای ناوچه‌ جێناکۆکه‌کان قبووڵ بکات که‌ له‌ژێر چاودێریی ژووری ئۆپه‌راسیۆنی هاوبه‌شی به‌غدا- هه‌ولێر و به‌ ئامانجی شه‌ڕ له‌گه‌ڵ داعش و شانه‌ی نوستووی ئه‌و گرووپه‌ تیرۆریستییه‌ ئه‌نجام ده‌درێت.

ناوبراو ئاماژه‌ به‌وه‌ش ده‌دات ده‌بێ عه‌بادی ناکۆکییه‌کانی له‌گه‌ڵ هه‌ولێر وه‌لاوه‌ بنێت و لاپه‌ڕه‌یێکی نوێ له‌ شه‌ڕ له‌گه‌ڵ داعش بکاته‌وه‌.

موزاحم حوه‌یت ده‌شڵێت: هێزی ئاسایش و سوپای عێراق توانای پاراستنی ناوچه‌ کێشه‌له‌سه‌ره‌کانیان نییه‌.

سه‌رچاوه‌: هه‌واڵده‌ریی شه‌فه‌ق نیووز

کۆدی هه‌واڵنێر: 60103