به‌پێی هه‌واڵی کوردپرێس، هۆشیار عه‌بدوڵڵا له گفتوگۆیێکی تایبه‌ت له‌گه‌ڵ هه‌واڵده‌ریی "الاتجاه پرس"دا ئاماژه‌ی دایه ئه‌وه‌ی که بزووتنه‌وه‌ی گۆڕان پێی وایه که چالاکیی هه‌موو ڕێکخراوه‌کانی هه‌رێمی کوردستان و ده‌وڵه‌تی فیدڕاڵ و هه‌روه‌ها ئیداره‌ی فڕۆکه‌خانه‌کان له هه‌رێم ده‌بێ به هه‌ماهه‌نگیی دوو لایه‌ن ئه‌نجام بدرێت.
ناوبراو وتیشی: له ڕابردوودا حیزبه خاوه‌ن ده‌سه‌ڵاته‌کانی هه‌رێم ئه‌و ناوچانه‌یان له کۆنتڕۆڵدا بوو، به‌ڵام ئێستا پێویسته ده‌وڵه‌تی فیدڕاڵ کۆنتڕۆڵی له سه‌ر ئه‌و ڕێکخراوانه‌دا بێت و داهاته‌کانی هه‌رێمی کوردستان ده‌بێ بڕژێته خه‌زێنه‌ی ده‌وڵه‌تی فیدڕاڵ.
عه‌بدوڵڵا ڕوونیشی کرده‌وه که ده‌بێ دیکه‌ی کێشه‌کانی به‌غدا-هه‌ولێر وه‌کوو پرسی خه‌رج کردنی مووچه‌ی فه‌رمانبه‌رانی هه‌رێمی کوردستان به شێوه‌ی جیدی له لایه‌ن ده‌وڵه‌تی فیدڕاڵه‌وه چاره‌سه‌ر بکرێت.
کۆدی هه‌واڵنێر: 60104
Your Comment