بەپێی هەواڵی کوردپرێس، سه‌رۆک كۆماری توركیا، ره‌جه‌ب ته‌یب ئه‌ردۆغان گوتی:
"له میانی ٣٤ ساڵ له به‌ره‌نگاربووه‌نه‌وه‌ی تیرۆر هۆنراوەیێک و ماڕشێكمان نییه كه پڕ به پێستی خۆی ده‌ربڕی ئه‌و به‌ره‌نگاربوونه‌وه‌یه بێت. به هاوڕێیانم گوتووه له‌باره‌ی قه‌ڵغانی فورات و عه‌فرین ناڵێم ماڕشێكی وه‌ک ماڕشی ئیستیقلال، به‌ڵام خۆ ده‌توانن ماڕشێكی شایسته بنووسن و با ئه‌وه ئاماده بكه‌ن".
ره‌جه‌ب ته‌یب ئه‌ردۆغان جه‌ختی كرده‌وه کە عەفرین لە تیرۆریستان پاک دەکەنەوە و گوتی: "عه‌فرینیش له تیرۆریستان پاك ده‌كه‌ینه‌وه و منبجیش پاك ده‌كه‌ینه‌وه، خۆرهه‌ڵاتی فورات تا ده‌گاته سنووره‌كانمان له باكووری عێراق، به‌هه‌مان شێوه له تیرۆریستان پاك ده‌كه‌ینه‌وه".
ناوبراو هه‌روه‌ها له‌باره‌ی پێگه‌كانی په‌كه‌كه له باکووری عێراق گوتی: "له هه‌موو ده‌رفه‌تێكدا هێرش ده‌كه‌ینه سه‌ر لانه‌كانی تیرۆر له باكووری عێراق. له داهاتوویێكی نزیكدا به‌هێزتر ئه‌وێش به‌سه‌ر تیرۆریستاندا ده‌ڕوخێنین".
سەرچاوە: ئانادۆڵۆ
کۆدی هه‌واڵنێر: 60113
Your Comment