به‌پێی هه‌واڵی کوردپرێس، تاقمێک له نوێنه‌رانی په‌رله‌مان و ڕۆژنامه‌نووسان و پارێزه‌رانی تورکیا له به‌رانبه‌ر ئیداره‌ی داواکاریی ئه‌سته‌نبۆڵ گردبوونه‌وه‌یێکی ناڕه‌زاییان پێکهێنا و باریش یارکاتاش په‌ورله‌مانتارێکی CHP به‌یاننامه‌یێکی خوێنده‌وه.
به‌یاننامه‌که نووسیبووی: که‌شتیی بێدادی پارتی داد و گه‌شه له نوقماوبووندایه. ڕاست 500 ڕۆژه به‌ناحه‌ق و پێچه‌وانه‌ی یاسا ئه‌کین ئاتالای له به‌ندیخانه‌دایه. دادگه له‌و 500 ڕۆژه‌دا ته‌نانه‌ت یه‌ک به‌ڵگه‌ی له سه‌ر سه‌لماندنی تاوانه‌که‌ی ناوبراو نه‌دۆزیوه‌ته‌وه. دادگه بۆ ڕازی کردنی ده‌سه‌ڵاتی سیاسی ڕۆژنامه‌نووسان ده‌خاته زیندان و به بارمته‌یان ده‌گرێت. بۆیه لێره‌وه داوا له دادگه ده‌که‌ین له کۆبوونه‌وه‌که‌ی تایبه‌ت به دۆسیه‌ی ئاتالای که ڕۆژی هه‌ینیی ئه‌م حه‌فته‌یه به‌ڕێوه ده‌چێت حوکمی ئازادکرانی ناوبراو ده‌ر بکات.
سه‌رچاوه: ڕۆژنامه‌ی ئۆره‌نسه‌ل
کۆدی هه‌واڵنێر: 60104
Your Comment