بەپێی هەواڵی کوردپرێس، لەدانیشتنی شەوی رابردوی پەرلەمانی توركیادا، محەمەد تۆگرۆل، پەرلەمانتاری هەدەپە باسی لە هێرشەكانی توركیا بۆ سەر عەفرین كرد و رایگەیاند كە توركیا لە عەفرین پاكتاوی نەژادی ئەنجام دەدات و لەجێی كوردانی ئەو ناوچەیە عەرەبەكان نیشتەجێ دەكات.
لە بەرامبەر ئەوەدا پەرلەمانتاری ئاكپارتی، لەیلا شاهین بە توندی وەڵامی دایەوە و رایگەیاند كە سەربازانی وڵاتەكەت لەوێ بەرگری لە گەل دەكەن و لە دژی "تیرۆریستان" دەجەنگن.
لەیلا شاهین وتیشی: تۆ مافت نییە لەم شوێنە قسە بكەیت. ئەمەش سەری كێشا بۆئەوەی ژمارەیەک لە پەرلەمانتارانی ئاكپارتی و هەدەپە پەلاماری یەكدی بدەن و بەوهۆیەشەوە دوو پەرلەمانتاری هەدەپە و پەرلەمانتارێكی ئاكپارتی بریندار بوون.
سەرچاوە: ڕۆژنامەی جمهووریەت
کۆدی هەواڵنێر: 60113
Your Comment