به‌پێی هه‌واڵی کوردپرێس، لیوا قاره‌مان شێخ كه‌مال جێگری سه‌رۆكایه‌تیی ئه‌ركان بۆ ئۆپه‌راسیۆنه‌كان له وه‌زاره‌تی پێشمه‌رگه به SNNی ڕاگه‌یاند: "ئه‌ڵمانیا قورسایییه‌كه‌ی له هه‌رێم بوو به‌راورد به‌و ئاماده‌بوونه‌ی له عێراق هه‌یبوو بۆیه ئێستا به‌نیازن هه‌ندێک له سه‌ربازه‌كانیان به مه‌به‌ستی مه‌شق بۆ به‌غدا بگوازنه‌وه و ئه‌مه‌ش به مانای وازهێنان نایێت له هه‌رێمی كوردستان".
ئه‌وه‌ش له كاتێكدایه ئورسولا فون دیرلاین وه‌زیری به‌رگریی ئه‌ڵمانیا ڕای‌گه‌یاندوووه: "به‌نیازن به‌شێک له‌و هێزانه‌ی له هه‌ولێر هه‌یانه بۆ به‌غدا بیگوازنه‌وه."
لیوا قاره‌مان شێخ كه‌مال ده‌شڵێت: "هێزه‌كانی ئه‌ڵمانیا زیاتر له ڕووی مه‌شق و لۆجستیه‌وه هاوكاریی هێزی پێشمه‌رگه‌ی كردوووه. ئه‌وان له عێراق بوونیان نه‌بوو، ئێستا به‌شێكیان ده‌گوازرێنه‌وه بۆ ناوچه‌كانی عێراق به مه‌به‌ستی دروست كردنی هاوسه‌نگی له نێوان هه‌رێم و به‌غدا."
کۆدی هه‌واڵنێر: 60103
Your Comment