بەپێی هەواڵی کوردپرێس، حەیدەر عەبادی سەرۆک‌وەزیرانی عێراق ڕۆژی پێنجشەممە فەرمانێکی واژۆ کرد کە بەو پێیە حەشدی شەعبی بە فەرمی دەبێتە بەشێک لە هێزە ئەمنییەکانی عێراق و لەمەودوا زۆربەی مافەکانی سوپای عێراق ئەوانیش دەگرێتەوە.

بەم شێوەیە مووچەی هێزەکانی حەشد دەبێت وەکوو هاوتاکانیان لە سوپا و وەک هێزێکی سەربازیی فەرمی مامەڵەیان لەگەڵ دەکرێت و لە زانکۆ و پەیمانگە سەربازییەکانیشدا دەتوانن بخوێنن.

ئەمەش لە حاڵێکدایە حەشدی شەعبی لای شیعەکاندا لایەنگری زۆری هەیە و ئەم کارە دوو مانگ پێش هەڵبژاردنەکانی عێراق دەتوانێت کاریگەریی لەسەر ڕێژەی دەنگەکانی عەبادی هەبێت.

سەرچاوە: ڕۆیتێرز

کۆدی هەواڵنێر: ٦٠١٠٥