به‌پێی هه‌واڵی کوردپرێس، پاش ده‌رکرانی به‌یاننامه‌ی باڵوێزخانه‌ی ئه‌مریکا له‌ ئه‌نقه‌ره‌ له‌سه‌ر ئه‌وه‌ی که‌ به‌هۆی هه‌ڕه‌شه‌ی ئه‌منییه‌وه‌ باڵوێزخانه‌ی ئه‌و وڵاته‌ ڕۆژانی دووشه‌ممه‌ داده‌خرێت ڕای‌گه‌یاند: به‌ مه‌به‌ستی به‌رپه‌رچدانه‌وه‌ی هه‌موو هێرشێکی چاوه‌ڕواننه‌کراو بۆ سه‌ر هاووڵاتییان یان باڵوێزخانه‌ی ئه‌مریکا ڕێوشوێنی توندی ئه‌منیی گرتۆته‌به‌ر.

له‌ به‌یاننامه‌که‌دا نووسراویشه‌: یه‌که‌ هه‌واڵگرییه‌کانی تورکیا هه‌موو ئه‌و هه‌واڵ و زانیارییانه‌ی سه‌رچاوه‌ ئه‌مریکییه‌کان سه‌باره‌ت به‌ هێرشی تیرۆریستی دژ به‌ باڵوێزخانه‌ی ئه‌مریکا له‌ ئه‌نقه‌ره‌ بڵاوی کردۆته‌وه‌ دیراسه‌ کردوووه‌ و ڕێوشوێنی توندی ئه‌منیی گرتۆته‌ به‌ر و به‌ وردی چاودێریی دۆخه‌که‌ ده‌کات.

سه‌رچاوه‌: ڕۆژنامه‌ی دیوار

کۆدی هه‌واڵنێر: 60103