به‌پێی هه‌واڵی کوردپرێس، قوباد تاڵەبانی ڕۆژی چوارشەممە ڕاشی‌گەیاند كە حەیدەر عەبادی سەرۆک وەزیرانی عێراق چەند جارێک باسی لەوە كردوووە كە مووچەی فەرمانبەرانی هەرێم دەنێرێت، بەڵام ئەوە تەنیا قسە بوووە و "هیچكام لە قسەكانی نەكردوووە بەكردار".

قسەكانی جێگری سەرۆكی حكوومەتی لە میانی مەراسیمێكی وەزارەتی خوێندنی باڵا بوو لە شاری هەولێر كە ئەوەشی راگەیاند نەناردنی مووچە لە لایەن عێراقەوە لە كاتێكدایە كە ئەوان وەک حكوومەتی هەرێم هەوڵی زۆریان داوە لەگەڵ بەغدا رێك بكەون ‌و كێشەكان چارەسەر بكەن.

قوباد تاڵەبانی هەروەها رای‌گەیاند: حكوومەتی هەرێم دەرگای هەموو وەزارەتەكانی بۆ لیژنەكانی وردبینی بەغدا كردۆتەوە و كاری لیژنەكانیش بە باشی ڕۆشتووەتە پێشەوە، بەڵام ئەنجامێكی ئەوتۆی نەبوووە.

سه‌رچاوه‌: شارپرێس

کۆدی هه‌واڵنێر: 60104