بەپێی هەواڵی کوردپرێس، بووریس جانسۆن وەزیری دەرەوەی بەریتانیا کە لە سەرەتای هێرشی تورکیاوە بۆ سەر عەفرین پشتگیری خۆی لەو وڵاتە ڕاگەیاندبوو، ڕۆژی 26ی فێبریوێری لە پەرلەمان ئامادە بوو و وەڵامی ژمارەیێک لە نوێنەرانی پەرلەمانی سەبارەت بە هێرشی تورکیا بۆ سەر عەفرین دایەوە.
بووریس جانسۆن لە وەڵامی پرسیارێکدا سەبارەت بە پاڵپشتیی بەریتانیا لە هێرشەکەی تورکیا بۆ سەر عەفرین وتی: بەریتانیا پشتگیری لەو هێرشە ناکات و بە هاوتا تورکەکەی خۆمیش گوتوومە ئێمە نیگەرانی لێکەوتە مرۆییەکانی ئەو هێرشە و کاریگەریی ئەو هێرشە لەسەر شەڕی داعشین.
ناوبراو زیادی کرد لەگەڵ هاوتا تورکەکەی خۆمدا سەبارەت بە ڕووداوەکان و ئەو مەینەتانەی بە سەر عەفریندا هاتووە قسەم کردووە و سەرەڕای نیگەرانییە ئەمنییەکانی تورکیا کە ئێمە تێیدەگەین داوامان کردووە دان بە خۆیاندا بنێن.
جانسۆن نیگەرانی خۆی بۆ تەرکیز نەکردنی هێزە کوردەکان لە سەر شەڕی داعش پیشان داو و وتی کوردەکان هێزێکی کاریگەر لە شەڕی داعش بوون کە هەندێکیان بە بۆنە بەرگری کردن لە عەفرینەوە بەرەی شەڕی دژە داعشیان چۆڵ کردووە.
کۆدی هه‌واڵنێر: 60113
Your Comment