به‌پێی هه‌واڵی کوردپرێس، ئه‌نجومه‌نی ته‌ندروستیی کانتۆنی عه‌فرین به‌یاننامه‌یێک له‌باره‌ی هێرشی سوپای تورکیا بۆ سه‌ر کانتۆنی عه‌فرین له‌ باکووری سووریا بڵاو ده‌کاته‌وه‌ و ڕای‌ده‌گه‌یێنێت: له‌و هێرشانه‌دا 192 هاووڵاتیی سڤیل کوژراون و 574 که‌سی دیکه‌ش بریندار بوونه‌.

ئانجێلا ڕشۆ هاوسه‌رۆکی ئه‌نجومه‌نی ته‌ندروستیی کانتۆنی عه‌فرین له‌ لێدوانێکی ڕۆژنامه‌وانیدا وتیشی: له‌ کاتی ده‌ست پێکردنی هێرشی سوپای تورکیا بۆ سه‌ر عه‌فرین تاکوو ئێستا 69 منداڵ، 79 ژن و 426 پیاو و به‌ گشتی 547 که‌س بریندار بوونه‌. هه‌روه‌ها تاکوو ئێستا له‌و هێرشانه‌دا 28 منداڵ و 23 ژن و به‌ گشتی 192 هاووڵاتیی سڤیل گیانی خۆیانیان له‌ده‌ست داوه‌.

سه‌رچاوه‌: هه‌واڵده‌ریی هاوارنیووز

کۆدی هه‌واڵنێر: 60103