به‌پێی هه‌واڵی کوردپرێس، به‌کر بۆزداغ جێگری سه‌رۆک وه‌زیران و وته‌بێژی ده‌وڵه‌تی تورکیا ڕای‌گه‌یاند: ساڵح موسلیم هاوسەرۆكی پێشووی پەیەدە و بەرپرسی ئێستای پەیوەندییەكانی دەرەوەی تەڤگەری كۆمەڵگەی دیموكرات (تەڤدەم) ئه‌مڕۆ له دادگه‌ی کۆماری چێک ئاماده ده‌بێت.
بۆزداغ له گفتوگۆی ڕاسته‌وخۆ له‌گه‌ڵ که‌ناڵی ته‌له‌فزیۆنیی NTVدا به ڕاگه‌یاندنی ئه‌و هه‌واڵه زیادی کرد: وه‌زاره‌تی دادی تورکیا به شێوه‌ی فه‌رمی به‌ڵگه‌ی پێویست و داوای گه‌ڕاندنه‌وه‌ی ساڵح موسلیمی ڕاده‌ستی وه‌زاره‌تی دادی کۆماری چیک کردوووه.
ئه‌وه‌ش له حاڵێکدایه که ساڵح موسلیم خه‌ڵکی سووریا بوووه و تورکیا مافی ئه‌وه‌ی نییه داوای گه‌ڕاندنه‌وه‌ی بکات.
ساڵح موسلیم نیوه‌شه‌وی شه‌ممه له هوتیلێک له شاری پراگ له لایه‌ن پۆلیسی کۆماری چێکه‌وه ده‌ستگیر کرا.
کۆدی هه‌واڵنێر: 60104
Your Comment