بەپێی هەواڵی کوردپرێس، به‌هجه‌ت عهبدۆ، له لێدوانێكدا دەڵێت هاتنی هێزه میلییه‌كانی سه‌ر به حكوومه‌تی سووریا بۆ ناوچه‌ی عه‌فرین ماوه‌ی چوار رۆژه به‌رده‌وامه و به‌رده‌وامیش ده‌بێت.
به‌وته‌ى عهبدۆ، ئه‌و هێزانه به چه‌كی مامناوه‌ندی هاتوون و چه‌كی قورسیان پێ نییه بۆ راگرتنی هێرشه ئاسمانیه‌كانی توركیا، به‌پێی رێكه‌وتنی یه‌په‌گه و سوپای سوریا ئه‌و هێزه له خاڵه‌كانی سنووری جێگیر ده‌كرێن بۆ رووبه‌روو بوونه‌وه‌ی له‌شكركێشیی توركیا.
ناوبراو ئاماژه به‌وه‌ش كرد هه‌وڵه‌كانیان به‌رده‌وامه بۆ هێنانی چه‌كی قورس و قه‌ده‌غه كردنی فڕینى ئاسمانی له عه‌فرین ئەوەش له لایه‌ن حكوومه‌تی سوریاوه بۆ هێزی ئاسمانی سوپای توركیا.
ماوه‌ى 36رۆژه، له‌شكركێشیى سوپاى توركیا بۆسه‌ر عه‌فرین به‌رده‌وامه‌و به‌هۆیه‌وه سه‌دان هاوڵاتى مه‌ده‌نى کوژران و بریندار بوون.
سەرچاوە: خەندان
کۆدی هه‌واڵنێر: 60113
Your Comment