بەپێی هەواڵی کوردپرێس نەسرین عەبدووڵڵا فەرماندەی یەکینەکانی پاراستنی ژنان YPJ لە بارەی ڕێکەوتنی نێوان کورد و دەوڵەتی سووریا بە کوردپرێسی وت دانوستان لەگەڵ دەوڵەتی سووریا تا ئەم کاتەش بەردەوامە و هێشتا نەگەشتووینەتە ڕێکەوتن بۆ ئەوەی دەوڵەتی سووریا هێز بنێرێتە ناوچەکە.
فەرماندەی YPJ جەختی کردەوە: تا ئێستا هیچ هێزێکی سووری نەهاتۆتە ناوچەکە.
ئەوەش لە حاڵێکدایە ڕۆژی ڕابردوو کەناڵێکی دەوڵەتی سووریا ڕایگەیاند دیمەشق و کورد گەشتوونەتە ڕێککەوتن و تا چەند کاتژمێرێکی تر هێزی ئەرتەشی سووریا دەچێتە عەفرین.
سەرەڕای ئەوەش نیوەڕۆی ڕۆژی سێشەمە هەواڵدەریی ڕاشاتودەی ڕایگەیاند هێزی سەربازیی سووریا چەند ڕۆژێکە لە چەند ناوچەیێکی کانتۆنی عەفرین جێگیر کراون بەڵام یەپەگە و یەپەژە ئەو هەواڵەیان ڕەت کردەوە.
Your Comment