بەپێی هەواڵی کوردپرێس، بەهرام قاسمی کاردانەوەی هەمبەر وتەکانی ئەم دواییەی سەرۆک کۆماری فەرانسار پیشان دا و وتی: کۆماری ئیسلامیی ئێران خوازیاری سەقامگیر بوون و جێگیر بوونی ئاشتی و ئاشتەوایی لە ناوچەکەدایە و لەم ڕێگەیەشدا بە لە بەرچاو گرتنی بنەما هەمیشەییەکانی خۆی هەموو هەوڵ و تێکۆشانی دەخاتە گەڕ.
وتەبێژی وەزارەتی دەرەوە لە درێژەدا وەبیری هێنایەوە وتەکانی ئەم دواییەی ئیمانوئێل ماکرۆن لە سەر بنەمای پێش داوری کردن و تێڕوانینی ناڕاستەقینەیە، هەبوونی ئەو هەڵویستە لایەنگیرانەیە یارمەتی بە باشتر بوونی دۆخی ڕۆژهەڵاتی ناوڕاست نادات.
ناوبراو وتیشی: توانای مووشەکیی ئێران لە چوارچێوی سیاسەتی بەرگرانەدایە، مەترسیی ڕاستەقینە ڕکابەریی ئەمریکا و ژمارەیێک لە وڵاتانی ئەورووپییە بۆ فرۆشتنی چەک و تەقەمەنی بە هەندێک لە وڵاتانی ناوچەی ڕۆژهەڵاتی ناوەڕاست کە هەوڵێکی بزوێنەر دێتە ئەژمار.
کۆدی هه‌واڵنێر: 60113
Your Comment