به‌پێی هه‌واڵی کوردپرێس، به‌ گوێره‌ی ئه‌و زانیارییانه‌ی له‌ سه‌رچاوه‌ ئه‌منییه‌کانه‌وه‌ هاتوون، سوپای تورکیا پاش زاڵ بوون به‌ سه‌ر کوێستانی دارمیک خه‌ریکه‌ هه‌وڵ ده‌دات بنکه‌یێکی سه‌ربازی له‌و شاخه‌ ستراتێژیکه‌دا بکاته‌وه‌.

مه‌کینه‌کانی ڕێگاوبان له‌ شوێنی جۆراوجۆری شاخه‌که‌ خه‌ریکن سه‌نگه‌ر و تۆنێلی هێزه‌کانی یه‌په‌گه‌ پڕ ده‌که‌نه‌وه‌. ئه‌و شاخه‌ یه‌کێکه‌ له‌ به‌رزترین شوێنه‌کانی ئه‌و ناوچه‌یه‌ و هه‌ڵکه‌وتێکی ستراتێژیکی هه‌یه‌.

به‌پێی ئه‌و هه‌واڵانه‌ی بڵاو بوونه‌ته‌وه‌، پاش پاکسازی و چێکردنی ڕێگاوبان، سوپای تورکیا تانک، سیسته‌می تۆپخانه‌ و سیسته‌می به‌رگریی مووشه‌کی و ڕاکێت‌هاوێژی ÇNR له‌ شاخه‌که‌ داده‌مه‌زرێنێت.

سه‌رچاوه‌: تایم تورک

کۆدی هه‌واڵنێر: 60103