به‌پێی هه‌واڵی کوردپرێس، مه‌حاسن حه‌مدوون په‌رله‌مانتاری سوننه ‌و ئه‌ندامی لیژنه‌ی دارایی له ‌ئه‌نجومه‌نی نوێنه‌ران به ‌SNNی ڕاگه‌یاند: "تێبینیه‌كانمان له‌سه‌ر یاسای بودجه‌ی گشتیی عێراق گه‌ڵاڵه ‌كردوووه ‌و له‌م ڕۆژانه‌دا ڕه‌وانه‌ی ئه‌نجومه‌نی وه‌زیرانی ده‌كه‌ین".

ناوبراو وتیشی: "جارێكی دیكه‌ ئه‌و پڕۆژه‌یاسایه‌ی كه‌ له‌ ئه‌نجومه‌نی وه‌زیرانه‌وه‌ بۆمان نێردراوه‌ به ‌هیچ جۆرێک تێبینیه‌كانی سوننه ‌و فراكسیۆنه‌ كوردییه‌كان و نوێنه‌رانی پارێزگا نه‌وتییه‌كانی تێدا جێگیر نه‌كراوه‌ هه‌ر بۆیه‌ بڕیارمان داوه‌ بیگه‌ڕێنینه‌وه‌ بۆ حكوومه‌ت تاوه‌كوو پێداچونه‌وه‌ی پێدا بكات".

مه‌حاسن حه‌مدون سه‌باره‌ت به ‌ڕێكکه‌وتنی لایه‌نه‌ ناڕازییه‌كان له‌سه‌ر یاسای بودجه‌ به ‌تایبه‌ت كورد و سوننه‌كان وتی: "به‌داخه‌وه‌ هیچ ڕێكکه‌وتن و هه‌ماهه‌نگییێک له ‌نێوانماندا نییه‌ و هه‌ر فراكسیۆنه ‌و به‌ جیا تێبینی خۆی پێشكه‌ش به ‌لیژنه‌ی دارایی كردوووه‌".

ناوبراو ئاشكراشی كرد: له ‌ئێستادا لیژنه‌كه‌یان سه‌رجه‌م تێبینیی فراكسیۆن و په‌رله‌مانتارانی لایه ‌و له‌م ڕۆژانه‌شدا ڕه‌وانه‌ی حكوومه‌ت ده‌كرێت.

کۆدی هه‌واڵنێر: 60103