به‌پێی هه‌واڵی کوردپرێس، شاندی حکوومه‌تی عێراق له نوێنه‌رانى 8 وه‌زاره‌تى حکوومه‌تى عێراق پێکهاتوون و سه‌ردانی مه‌رزی شۆشمێ ده‌که‌ن.
ئامانجى سه‌ردانه‌که قسه کردنه له‌سه‌ر به‌نێوده‌وڵه‌تی کردنى مه‌رزى شۆشمێ که پێشتر حکوومه‌تى هه‌رێم و ئیداره‌ى پارێزگاى هه‌ڵه‌بجه له‌وباره‌یه‌وه قسه‌یان له‌گه‌ڵ حکوومه‌تى عێراق کردبوو.
شانده‌که ڕێگاوبان و فه‌رمانگه‌کانى مه‌رزه‌که به سه‌ر ده‌که‌نه‌وه و دواتر بڕیار ده‌ده‌ن که ئه‌و مه‌رزه بکرێته نێوده‌وڵه‌تى یان هه‌ر به لاوه‌کى بمێنێته‌وه.
شایانی باسه؛ مه‌رزى شۆشمێ مه‌رزێکى نافه‌رمیی نێوان هه‌رێمى کوردستان و کۆمارى ئیسلامیى ئێرانه که ده‌که‌وێته سنوورى پارێزگاى هه‌ڵه‌بجه‌وه.
پێشتر چه‌ندین جار ئیداره‌ى پارێزگا و حکوومه‌تى هه‌رێم داواى به‌نێوده‌وڵه‌تی کردنى مه‌رزه‌که‌یان له حکوومه‌تى عێراق کردبوو به‌ڵام تا ئێستا عێراق له‌وباره‌یه‌وه بڕیارى نه‌داوه.
سه‌رچاوه: ئێن ئاڕتی
کۆدی هه‌واڵنێر: 60103
Your Comment