بەپێی هەواڵی کوردپرێس، سه‌لیم جبووری سه‌رۆكی ئه‌نجومه‌نی نوێنه‌رانی عێراق، له كۆنگره‌یێكی رۆژنامه‌وانیدا رایگه‌یاند: پڕۆژه یاسای بوودجه‌ی 2018ی عێراق كه له‌لایه‌ن حكوومه‌تی عێراقه‌وه ئاماده كراوه، یاسایی و ده‌ستووری نییه، بۆیه وه‌كوو سه‌رۆكایه‌تیی ئه‌نجومه‌نی نوێنه‌ران ره‌تی ده‌كه‌ینه‌وه.
ناوبراو وتیشی: مشتومڕ و ناكۆكی له سه‌ر پڕۆژه‌یاسای بوودجه‌ی 2018 هه‌یه و فراكسیۆنه كوردستانیه‌كان و نوێنه‌رانی سوننه تێبینییان له سه‌ر هه‌یه و ئاماده‌نین له په‌رله‌مان ده‌نگی پێبده‌ن، ته‌نانه‌ت فراكسیۆنه كوردستانییه‌كان به‌هۆی كه‌م کردنه‌وه‌ی پشكی هه‌رێمه‌كه‌یان بۆ (12,67%) كۆبوونه‌وه‌كانی تایبه‌ت به بوودجه بایكۆت ده‌كه‌ن.
سەرچاوە: SNN
کۆدی هه‌واڵنێر: 60113
Your Comment