کوردپرێس- ئاژانسی دۆغانی توركی بڵاوی کردوەتەوە، پەروین بۆلدان، جێگری سەرۆكی پەرلەمانی توركیا، كاندیدە بۆ پۆستی هاوسەرۆكایەتیی گشتیی (هەدەپە) وەک جێگرەوەی سەڵاحەدین دەمیرتاش هاوسەرۆكی گشتیی زیندانی­كراوی پارتەكە.

هاوکات لەجێگای سەرپیل كەمالبای هاوسەرۆكی گشتیی ئێستای هەدەپە، هەر یەك لە سەزای تەمەڵی و ساروهان ئولوچ كاندید دەكرێن.

سەزای تەمەڵی، جێگری هاوسەرۆكی گشتیی هەدەپە لە كاروباری ئابووری و كومەڵایەتی بوووە، هەروەها ساروهان ئولوچ، پۆستی جێگری هاوسەرۆكایەتیی گشتیی هەدەپەی لە كاروباری راگەیاندن و بانگەشەدا هەیە.

بڕیارەی رۆژی 11ی ئەم مانگە، پارتی دیموکراتی گەلان سێیەمین كۆنگرەی خۆی لەشاری ئەنقەرە ببەستێت، ئەوەش لەکاتێکدایە هەردوو سەرکردە باڵاکانی ئەو پارتە هاوشێوەی سەڵاحەدین دەمیرتاش و فیكهن یوکسەداغ و چەندین پەرلەمانتاری دیکەیان لە زینداندان.

کۆدی هەواڵنێر: 60101