بەپێی هەواڵی کوردپرێس عەبدولڕەحمان عەلی لە پەڕەی تایبەتی خۆی لە تۆڕی کۆمەڵایەتیی فەیسبووک باسی لەو باتە کردوووە و روونیشی کردوووەتەوە: لەدوێنێ یەکی شوباتەوە بڕیارەکە لەلایەن هێزەکانی پۆلیسی پاسەوانی سنوورەوە چوووەتە بواری جێبەجێ کردنەوە و سەرجەم مەرز و دەروازە لاوەکییەکانی نێوان هەرێم و وڵاتانی دراوسێ داخران کە "پێشتر جوڵەی زۆریان تێدابوو".

ناوبراو دەشڵێت، تائێستا نازانرێت هۆکاری داخستنی ئەو مەرز و دەروازە لاوەکی و نافەرمیانە چین و ڕوون نەکراوەتەوە بۆچی بڕیارێکی لەوشێوەیە دراوە و تا کەی داخستنەکە بەردەوام دەبێت.

ئاماژەی بەوەش کردووە: ئەندامانی کوردی پەرلەمانی عێراق لەو بابەتە ئاگادارکراونەتەوە تا بەدواداچوونی بۆ بکەن.

سەبارەت بە کاریگەریی داخستنی ئەو مەرزە لاوەکییانەش وتی: "دەیان مەرز و دەروازەی نیمچەفەرمی و لاوەکی لە سنوورەکان هەن کە بژێوی ژیان و گوزەرانی سەدان و هەزاران خێزان و هاووڵاتیی هەرێمیان لەسەرە، بەداخستنی یەکجاریی ئەو مەرز و دەروازانە هەزاران هاووڵاتیی تری ئەم هەرێمە لەم دۆخە خراپەی دارایی و بێ موچەییەدا بێکار دەبن و کاریگەرییش دروست دەکەن لەسەر چۆڵ بوونی زیاتری گوندەکان بەتایبەت ئەو گوندانەی کە مەرزی لاوەکییان لێوە نزیکە یاخود پێیدا دەڕوات" .

کۆدی هەواڵنێر: 60101