به‌پێی هه‌واڵی هه‌واڵنێری کوردپرێس، په‌یوه‌ندییه گشتییه‌کانی ئیداره‌ی گشتیی په‌روه‌رده و بارهێنانی ئازه‌ربایجانی ڕۆژئاوا ڕای‌گه‌یاند: ئه‌مڕۆ شه‌ممه/ 30ی به‌فرانبار به هۆی بارینی به‌فری قورس ده‌وامی سه‌رله‌به‌یانیی قوتابخانه‌کانی پێنج شاری ئه‌و پارێزگایه له‌وان شه‌ڵماش، خۆی، سه‌رده‌شت، پیرانشار و تیکاب داخراوه‌یه.
به گوێره‌ی ئه‌و په‌یوه‌ندییه گشتییه قوتابخانه‌کانی قۆناغی سه‌ره‌تایی و مامناوه‌ندیی شاری و گوندی له شاره‌کانی شه‌ڵماش، پیرانشار و سه‌رده‌شت له ده‌وامی سه‌رله‌به‌یانی داخراوه‌یه.
هه‌روه‌ها ئه‌مڕۆ شه‌ممه هه‌موو قۆناغه‌کانی خوێندن گوندیی خۆی و قوتابخانه‌کانی سه‌رله‌به‌یانیی شاری و هه‌موو قۆناغه‌کانی خوێندنی گوندیی شاری تیکاب له ده‌وامی سه‌رله‌به‌یانی داخراو ڕاگه‌یێندراوه.
بارینی به‌فر له شه‌وی هه‌ینییه‌وه له هه‌ندێ له شاره‌کانی ئازه‌ربایجانی ڕۆژئاوا ده‌ستی‌پێکردوووه.
کۆدی هه‌واڵنێر: 60104
Your Comment