به‌پێی هه‌واڵی کوردپرێس، باریش یارکاداش نوێنه‌ری ئه‌سته‌نبۆڵ له‌ په‌رله‌مانی تورکیا و سه‌ر به‌ پارتی کۆماریخوازی گه‌ل له‌ به‌رنامه‌ی ڕاسته‌وخۆی ته‌له‌فزیۆنی که‌ناڵی KRT haber ئاماده‌ بوو و له‌ گفتوگۆ له‌گه‌ڵ چا‌‌غلار چیلارا به‌ڕێوه‌به‌ری ئه‌و که‌ناڵه‌ ئیدعای کرد: عه‌بدوڵڵا گویل یازده‌هه‌مین سه‌رکۆماری تورکیا چاوه‌ڕوانی ئه‌وه‌ ده‌کات که‌ پارتی کۆماریخوازی گه‌ل و دیکه‌ی حیزبه‌ ڕاسته‌کانی ناوه‌ندیی تورکیا پێشنیازی کاندید بوونی هه‌ڵبژاردنی سه‌رکۆماری 2019 به‌ ناوبراو بده‌ن.

ناوبراو له‌ درێژه‌ی لێدوانه‌کانیدا جه‌ختی کرده‌وه‌: ئێستاکه‌ عه‌بدوڵڵا گویل چاوه‌ڕوانی ئه‌وه‌ ده‌کات حیزبی ڕاستی ناوه‌ند له‌ تورکیا و پارتی کۆماریخوازی گه‌ل ئیئتلاف بکه‌ن و پێشنیازی کاندید بوون له‌ هه‌ڵبژاردنی سه‌رکۆماری 2019 ئاراسته‌ی ناوبراو بکه‌ن. عه‌بدوڵڵا گویل که‌سایه‌تییێکی ئارام و هێوره‌ که‌ شه‌ڕ نافرۆشێت. عه‌بدوڵڵا گویل هه‌میشه‌ ئاماده‌یه‌.

سه‌رچاوه‌: ڕۆژنامه‌ی جمهوورییه‌ت

کۆدی هه‌واڵنێر: 60103