به‌پێی هه‌واڵی کوردپرێس، غوڵام حسێن موحسێنی ئێژه‌یی ڕۆژی یه‌کشه‌ممه 24ی به‌فرانبار له پرێس کۆنفڕانسێکدا ڕای‌گه‌یاند: ڕۆژی یه‌که‌م کۆی ئه‌و که‌سانه‌ی وه‌کوو ڕێکخه‌ری خۆپیشاندان و ئاژاوه‌گێڕی ده‌ست به‌سه‌ر کران 622 که‌س بوون که هه‌ندێکیان به بارمته ئازاد کران.
ناوبراو زیادی کرد: له‌و چه‌ند حه‌فته‌ی ڕابردوودا پیلانی دوژمنانمان به چاو بینی که به‌نیاز بوون له نێو ئێران ئاژاوه بگێڕن ئه‌وه‌ش نیازێکی پووچه‌ڵه.
موحسێنی ئێژه‌یی زیادی کرد: ئه‌مریکا و ڕژێمی زایۆنی دژ به ئێرانن و خۆیان مه‌ڵاس داوه له‌سه‌ر هه‌ل په‌لاماری ئێران بده‌ن و ئه‌وه‌ش خه‌یاڵێکی خاوه. چوونکه گه‌لی ئێران وریان و له پیلانی دوژمن تێده‌گه‌ن و له سه‌ر یارمه‌تیی پۆلیسی ئاسایش ڕیزی خۆیان له ئاژاوه‌گێڕان جیا کرده‌وه.
وته‌بێژی ده‌زگای داد سه‌باره‌ت به خۆکوژیی دوو گه‌نج له بنکه‌ی پۆلیسی ئاسایشی ئه‌راک و به‌ندیخانه‌ی ئه‌ڤین ڕوون کردنه‌وه‌ی دا و وتی: تۆمه‌تباره‌که‌ی ئه‌راک پێش ئه‌وه‌ی ڕاده‌ستی دادگه بکرێت خۆی کوشتوووه و له دادگه‌ی ئه‌راکیش پێشتر دۆسیه‌یێکی تووش بوون به ماده‌ی هۆشبه‌ری هه‌بوووه. ئه‌و که‌سه‌ش ته‌ولێته‌که‌ی به‌ندیخانه‌ی ئه‌ڤین خۆی کوشتوووه و ته‌مه‌نی 21 ساڵ بوووه و تا ئێستا سه‌باره‌ت به‌وه که ئایا ئاژاوه‌گێڕ بوووه یان خێر هیچی له‌سه‌ر ساغ نه‌کرابووه‌وه به‌ڵام له نێو ئاژاوه‌گێڕاندا ده‌ستبه‌سه‌ر کرابوو و دۆسیه‌ی بۆ تۆمار کرابوو. ئه‌وه‌ی که ئیدعا ده‌کرێت که‌سی سێهه‌م و چواره‌میش خۆیان کوشتوووه ساخته و درۆیه.
سەرچاوە: ئیرنا
کۆدی هه‌واڵنێر: 60104
Your Comment