به‌پێی هه‌واڵی کوردپرێس، ڕێناس جانۆ به که‌ناڵی ته‌له‌فزیۆنیی "الفرات"ی عێراقی وتوووه: ئێستاکه قه‌باره سیاسییه‌کانی کوردستان جامێکه که خه‌ڵکی کوردستان خۆیان تێدا ده‌بینن. ده‌بێ ئه‌و حیزبانه له ڕووداوه‌کانی عێراق له ساڵی 2003 تاکوو ئێستا ئه‌زموون وه‌ربگرن و پێداچوونه‌وه به سه‌ر ڕه‌فتار و هه‌ڵوێستی خۆیان بکه‌نه‌وه و خه‌ڵکی کوردستانیش له بڕیاره‌کانی ئه‌و حیزبانه به‌شداری بکه‌ن.
ناوبراو جه‌ختی کرده‌وه: ئێستاکه به بۆنه‌ی ناکۆکیی نێوان هه‌ولێر- به‌غدا هاوپه‌یمانێتیی سیاسیی نوێ له هه‌رێمی کوردستان دروست بوووه چوونکه ئه‌و ناکۆکییانه که‌لێنی له نێوان قه‌باره سیاسییه‌کان دروست کردوووه هه‌ر بۆیه‌ش گه‌ڕانه‌وه‌ی هاوپه‌یمانیی کوردستانی بۆ هه‌رێم مومکین نابێت.
ڕێناس جانۆ وتیشی: پارتی دیموکراتی کوردستان به قۆناغێکی پێشکه‌وتوو بۆ هاوپه‌یمانی له‌گه‌ڵ هه‌ندێک له حیزبه شیعه‌کان گه‌یشتوووه به‌ڵام هێشتاکه ئه‌و هاوپه‌یمانێتییه یه‌کلایی نه‌بۆته‌وه.
کۆدی هه‌واڵنێر: 60103
Your Comment