به‌پێی هه‌واڵی کوردپرێس، پێگه‌ی "ئی ده‌بلیو ئه‌ی ئۆ"ی تایبه‌ت به بابه‌تی زانستی بڵاوی کرده‌وه ئه‌و هه‌ساره ناوی "بروکسیما بی" لێنراوه و جیاوازه له ته‌واوی ئه‌و هه‌سارانه‌ی له هه‌زاران ساڵی ڕابردوو ئاشکرا کراوه.
ڕوونیشی کردووه‌ته‌وه: "پروکسیما بی" کۆمه‌ڵێک تایبه‌تمه‌ندی ژیانی له‌خۆ گرتوووه. قه‌باره‌که‌ی که‌مێک له زه‌وی گه‌وره‌تره و هه‌روه‌ها به‌هۆی ئه‌و دوورییه‌ی له‌و ئه‌ستێره‌یه‌ی شوێنی ده‌که‌وێت، ده‌رفه‌تی بۆ بوونی ئاو له‌سه‌ری ڕه‌خساندوووه.
ئه‌م هه‌ساره نوێیه که به زه‌وی دووه‌م ناو ده‌برێت، چوار ساڵی ڕووناکی له زه‌وییه‌وه دووره و پله‌ی گه‌رمی له نێوان ٣٠ بۆ ٩٠ پله‌یه که ئه‌وه‌ش ڕێگه ده‌دات ئاو به شێوه‌ی شلی له‌سه‌ر ڕووی هه‌ساره‌که بمێنێته‌وه.
ئه‌م ئه‌نجامه دوای شه‌ش مانگ چاودێری له ڕێی ڕوانگه‌یێکی ئه‌ورووپا و چه‌ند ناوچه‌یێکی جیهانه‌وه ده‌ستی گه‌ردوونناسه‌کان که‌وتوووه.
له کۆنه‌وه تا ئێستا مرۆڤ له ڕێی پێشکه‌وتنی زانسته‌وه هه‌وڵ ده‌دات ژیانێکی‌تر له ده‌ره‌وه‌ی زه‌وی بدۆزێته‌وه.
کۆدی هه‌واڵنێر: 60103
Your Comment