به‌پێی هه‌واڵی کوردپرێس، ئه‌سیل نۆجه‌یفی له گفتوگۆ له‌گه‌ڵ ماڵپه‌ڕی هه‌واڵیی "بغداد الیوم"دا ئاماژه‌ی دایه ئه‌وه‌ی که ئیئتیلافی موته‌حێدوون له خۆ به‌دوور گرتن له هه‌ندێ له پارته ئیسلامییه‌کان و ئه‌و پارتانه که تۆمه‌تبارن به گه‌نده‌ڵی و هه‌وڵی گوماناوی له عێراق، حزبێکی نوێ به ناوی "حزب التضامن العراقی" (پارتی یه‌کڕیزیی عێراق) بۆ به‌شداربوون له هه‌ڵبژاردنی په‌رله‌مانی ئه‌م دواییه‌ی وڵات پێکهێناوه.
نۆجه‌یفی ئاماژه‌ی دایه ئه‌وه‌ی که ئه‌و حزب و ئیئتیلافه نوێیه له 9 حزب پێکهێندراوه و ئوسامه نۆجه‌یفی، سه‌لمان جه‌میلی، خه‌میس خه‌نجر، ته‌لال زوبێعی، مه‌زهه‌ر خه‌ربیت، حازم جه‌نابی، هه‌یبه حلبووسی و ناهده داینی وه‌کوو به‌رجسته‌ترین که‌سایه‌تییه‌کانی ئه‌و پارتانه ناویان لێده‌برێت.
ناوبراو جه‌ختی کرده‌وه که ئه‌و پارته نوێیه له کۆمیسیۆنی باڵای هه‌ڵبژاردنی عێراق تۆمار کراوه و له هه‌موو پارێزگاکانی عێراق به‌شداریی هه‌ڵبژاردن ده‌کات.
کۆدی هه‌واڵنێر: 60104
Your Comment