بەپێی هەواڵی کوردپرێس، مەولوود چاوش ئۆغڵۆ وەزیری دەرەوەی تورکیا ئەوڕۆ یادداشتێکی لە گۆفاری نیووزلیک بڵاو کردەوە و بە توندی ڕەخنەی لە پشتگیریی سەربازیی ئەمریکا لە کوردەکانی سووریا گرت.
چاووش ئۆغڵۆ لەو یادداشتەدا دەڵێت هێزە کوردەکانی سووریا تیرۆریستن و کەڵکیان لە دەرفەتی هێرشی داعش و نوسرە وەرگرتووە و دەستیان بەسەر بەشێک لە خاکی سووریادا داگرتووە.
وەزیری دەوەوەی تورکیا دەشڵێت: سەرەڕای داژایەتی و ناڕەزایی تورکیا، هێزە کوردەکانی سووریا بە پاڵپشتیی ئەمریکاوە بەهێزتر دەبن و ئەمنیەتی تورکیا و داهاتووی سووریا دەخەنە مەترسییەوە.
مەولوود چاوش ئۆغڵۆ جەخت دەکاتەوە ئەمریکا دەبێت دەست لە یارمەتی گەیاندن بە هێزە کوردەکانی سووریا هەڵبگرێت.
کۆدی هه‌واڵنێر: 60113
Your Comment