به‌پێی هه‌واڵی کوردپرێس، ڕۆژنامه‌ی تێلێگرافی به‌ریتانی له‌ ڕاپۆرتێکیدا باسی پێوه‌ندی گرتنی چه‌ندین هێزی بیانی به‌ تایبه‌ت له‌ وڵاتانی ڕۆژئاواوه‌ به‌ YPG کردوووه‌. به‌ گوێره‌ی ڕاپۆرته‌که‌ ده‌یان هێزی بیانیی ئه‌ندامی YPG که‌ شان به‌ شانی ئه‌و هێزه‌ کوردییه‌ شه‌ڕی دژ به‌ داعشیان کردوووه‌ گیانی خۆیان له‌ده‌ست داوه‌.

هه‌ر به‌ وته‌ی ڕۆژنامه‌که‌، 7 هاووڵاتیی به‌ریتانی له‌ سووریا به‌هۆی شه‌ڕی داعشه‌وه‌ گیانی خۆیان له‌ ده‌ست داوه‌ و ژماره‌یێکیشیان گوتوویانه‌ ته‌نانه‌ت پاش شکست پێهێنانی داعشیش له‌ ڕیزی کورده‌کانی سووریا ناچینه‌ ده‌ره‌وه‌ و به‌رده‌وام ده‌بین له‌ خه‌باتی خۆمان له‌ ڕۆژهه‌ڵاتی ناوه‌ڕاست.

تێلێگراف زیادی کردوووه‌: YPG له‌به‌ر هۆکاری ئه‌منی ئاماده‌ نییه‌ ژماره‌ی هێزه‌ بیانییه‌کانی خۆی ڕابگه‌یێنێت به‌ڵام فه‌رمانده‌یێکی باڵای ئه‌و هێزانه‌ که‌ هاووڵاتییێکی ئیسپانیایییه‌ گوتوویه‌تی زیاتر له‌ 1000 هاووڵاتیی بیانی له‌ ڕیزی YPGدان که‌ زۆرینه‌یان خه‌ڵکی ڕۆژئاوان و ژماره‌یێکیشیان گیانی خۆیان له‌ ده‌ست داوه‌.

کۆدی هه‌واڵنێر: 60103