کوردپرێس: ئاژانسی بەغداد ئەلیەوم لە راپۆرتێکیدا باس لە بونیاتنانی چوار سەربازگەی نوێی ویلایەتە یەکگرتووەکانی ئەمریکا دەکات لە هەرێمی کوردستان.
لە راپۆرتەکەدا هاتووە شاندێکی دیبلۆماسی و سەربازیی ئەمریکا لەگەڵ هەریەکە لە نێچیرڤان بارزانی، سەرۆکی هەرێم و مەسروور بارزانی سەرۆکی حکوومەت کۆ بوونەتەوە و هەردوولا رێککەوتوون لەسەر بونیادنانی چوار سەربازگەی نوێی ئەمریکا لە هەرێمی کوردستان.
ڕاپۆرتەکە ئاماژەی بەوەش داوە، لەکۆبوونەوەکاندا گفتوگۆ لەسەر دواترین پێشهاتەکانی عێراق و خواستی دەرکردنی هێزەکانی ئەمریکا کراوە لە عێراق.
هەربەگوێرەی زانیاریەکانی ئەو ئاژانسە، بەهێزکردنی پەیوەندیە دیبلۆماسیەکان، هەماهەنگی و کاری پێکەوەیی لە چوارچێوە سیاسی و ئابووریەکان و کردنەوەی گەورەترین کونسولخانەی ئەمریکا لە هەولێر بەشێکی دیکەی گفتوگۆکانی نێوان شاندەکەی هەرێم و ئەمریکا بووە.
کۆدی هەواڵنێر: 60113
Your Comment