کوردپرێس:

وەزارەتی بەرگریی ئەڵمانیا توویتێکی کردووە و تێیدا ئاماژە بەوە کراوە، ئانگرێت کرامپ کارینباوەر، وەزیری بەرگریی ئەڵمانیا دوای گەیشتنی بە هەرێمی کوردستان سەردانی ئەو شوێنەی کرد کە تێیدا راوێژکارانی سەربازیی ئەڵمانیا راهێنان بە هێزەکانی پێشمەرگە دەکەن.

وەزارەتی بەرگریی ئەڵمانیا دەڵێت، کرامپ کارینباوەر ویستی لە نزیکەوە ئاگاداری ئەو شوێنە بێت کە تێیدا راوێژکارە سەربازییەکانی وڵاتەکەی دەمێننەوە.

ئەڵمانیا یەکێکە لەو وڵاتانەی لە کاتی شەڕی دژی داعشدا یارمەتی و پاڵپشتی هێزی پێشمەرگەی کوردستانی کرد، چ لە رێگەی پێدانی چەک و چ لە رێگەی گواستنەوەی راوێژکارانی سەربازییەوە بۆ هەولێر بۆ راهێنان بە هێزەکانی پێشمەرگە.