کوردپرێس:

له‌ ڕاگه‌یه‌نراوێكدا وه‌زاره‌تی ده‌ره‌وه‌ی عێراق باسی له‌وه ‌كردووه‌، هێرشه‌ مووشه‌كییه‌كانی ئێران بۆ سه‌ر بنكه‌كانی ئه‌مریكا له‌ ئه‌نبار و هه‌ولێر پێشێلكردنی سه‌روه‌ریی خاكی عێراقه‌.

بەیاننامەکەی وەزارەتی دەرەوەی عێراق ڕاشیگه‌یاندووه‌، بۆ گه‌یاندنی نیگه‌رانی و ناڕه‌زایه‌تیی خۆیان بانگهێشتی باڵیۆزی ئێران له‌ به‌غدا ده‌كه‌ن.

وه‌زاره‌تی ده‌ره‌وه‌ی عێراق جه‌ختیشی كردۆته‌وه‌ له‌وه‌ی عێراق وه‌ك وڵاتێكی سه‌ربه‌خۆ و خاوه‌ن سه‌روه‌ری به‌ پله‌ی یه‌كه‌م گرنگی به‌ ئاسایشی ناوخۆی وڵاته‌كه‌ی ده‌دات و رێگه‌ نادات ببێته‌ گۆڕه‌پانی شه‌ڕی وڵاتان.