کوردپرێس:

پیر حوسێن کۆلیوەند بەڕێوەبەری پزیشکی فریاکەوتنی ئێران لە لێدوانێکدا بە میدیای فەرمیی وڵاتەکەی ڕاگەیاند لە ڕێوڕەسمی بەڕێکردنی تەرمی سەردار قاسم سولەیمانی لە شاری کرمان 40 هاووڵاتی گیانیان لە دەست دا و 190 هاووڵاتییش بریندارن.

کۆلیوەند ڕوونیشی کردەوە هۆی ئەو ڕووداوە قەرەباڵغیی زیاد لە ئەندازە و بەسەر یەکدا کەوتنی هاووڵاتییان لە ڕێوڕەسمی بەڕێکردنی تەرمی سەردار قاسم سولەیمانی بووە.

کۆلیوەند پێشتر وتبووی 32 کەس لە ڕێوڕەسمی بەڕێکردنی تەرمەکەدا گیانیان لە دەست دابوو کە ئێستا ڕێژەکە بۆ 40 کەس بەرز بۆتەوە.

شایانی باسە تەرمی شەهید قاسم سولەیمانی پاش بەڕێکرانی لە شارە پیرۆزەکانی عێراق هێنرایەوە ئەهواز و لەوێوە برایە مەشهەد و پاشان هێنرایە تاران و لە ئەنجامدا گەڕێندرایەوە شار کرمان کە زێدی ئەو شەهیدەیە.