بەپێی هەواڵی کوردپرێس هەرێمی کوردستانی عێراق 25ی ئەیلوولی 2017 ڕیفراندۆمی بەڕێوە برد. ئەو هەوڵەی کوردەکان بە ڕای شرۆڤەکاران و خاوەن بیران بە نیازی سەربەخۆ بوونی هەرێمی کوردستان و جیابوونەوەی لە عێراق ئەنجام درا و لێکەوتە و کاردانەوەی جۆربەجۆری بەدوادا هات. ژمارەیێک لە هاوپەیمانانی کورد و بەتایبەت تورکیا و ئەمریکا سەبارەت بە بەڕێوە بردنی گشتپرسی هۆشداریان بە کوردەکان دابوو. ئێستاش سێ مانگ لە بەڕێوەبردنی ڕیفراندۆمی هەرێمی کوردستان تێپەڕێوە و ئەو هەرێمە زیاتر لە نیوەی قەڵەمڕەوی خۆی لە دەست داوە و قەیرانی داراییی کە پاش هاتنی داعش و دابەزینی نرخی نەوت سەری هەڵدابوو ئێستا تەشەنەی سەندوووە.

هەواڵدەریی سپۆتنیکی ڕووسیا لە یادداشتێکدا سەبارەت بە گوڕم هێنانەوەی کوردەکانی عێراق بۆ سەربەخۆیی و جیابوونەوە لە بەغدا و سەرنەکەوتنی کوردەکان لەو هەوڵەدا نووسیویەتی هۆی سەرنەکەوتنی کوردەکان لەمپەری سیاسی و کەشی سیاسیی ئێستای ڕۆژهەڵاتی ناڤین لە بەرانبەر جیابوونەوە و گۆڕینی سنوورەکان بوو.

بەگوێرەی نووسراوی ئەو هەواڵدەرییە تا ئەو کاتەی کەشی سیاسیی خۆرهەڵاتی ناڤین نەگۆڕدرێت سەربەخۆ بوونی کوردەکانیش دەستەبەر نابێت.

لەو یادداشتەی سپۆتنیکدا تیشک خراوەتە سەر ناڕەزایی و خۆپیشاندانەکانی هەرێمی کوردستان و جەختیش کراوەتەوە: تنانەت ئەگەر مەسعوود بارزانیش ڕیفراندۆمی نەکردایە و لێکەوتەکانی ئێستاش سەری هەڵنەدایە بێگومان هاووڵاتییانی هەرێمی کوردستان ئەو ناڕەزایییەیان پیشان دەدا و حکوومەتی هەرێم بە سەرۆکی حکوومەتیشەوە پرسیاری لێدەکرا چوونکە لەو حاڵەتەدا مەسعوود بارزانی لە بەر ئەوە مەواخێزە ئەکرا کە بۆچی بەڵڤێنی سەربەخۆییی دا بەڵام پێوشێنگیریی نەکرد و وازی لێهێنا.

بە وتەی سپۆتنیک دەسەڵات لە هەرێمی کوردستان بێگومان بەرەوڕووی خۆپیشاندان و ناڕەزایی دەبوووەوە ئێستا چ ڕیفراندۆم بکرایە و چ نەکرایە.

کۆدی هەواڵنێر: 60101