به‌پێی هه‌واڵی کوردپرێس، دوای ڕووداوه‌كانی 16ی ئاكته‌وبر و پاشه‌كشێی هێزه‌كانی پێشمه‌رگه له چه‌ند ناوچه‌یێک به‌رپرسانی ئه‌منی له خورماتوو ڕایان­گه‌یاند: ژماره‌یێک چه‌كداری نه‌ناسراو له نێوان خورماتوو- كفری بینراون، كه ژماره‌یان به 100 كه‌س ده‌خه‌مڵێندرا.
مه‌لا كه‌ریم شوكر به‌رپرسی مه‌ڵبه‌ندی 16ی حه‌مرینی یه‌كێتی له خورماتوو به‌خه‌ندان-ی ڕای­گه‌یاند: "دوێنێ شه‌و به‌شێک له‌و هێزه نه‌ناسراوه‌ی كه له ناوچه‌كانی نێوان خورماتوو- كفری-دا جێگیر بوون بڵاوه‌یان كرد، به‌ڵام دواتر به‌شێكیان گه‌ڕاونه‌ته‌وه شوێنه‌كانی خۆیان".
پێشتر ڕائید كه‌مال عه‌بدوڵڵا، به‌ڕێوه‌به‌ری ئاسایشی دوزخورماتوو، به‌خه‌ندان-ی راگه‌یاندبوو، به‌پێی زانیارییه‌كان له شاخه‌كانی غه‌رره و ھه‌ر دوو دۆڵه‌كانی نێوان دووزخورماتوو بۆ سلێمان به‌گ و كفری، ژماره‌ی چه‌كدارانی داعش ڕوویان له زیادبوون كردووه.
کۆدی هه‌واڵنێر: 60104
Your Comment