به‌پێی هه‌واڵی کوردپرێس، کۆبوونه‌وه‌ی دادگه‌ی لێکدانه‌وه‌ی دۆسیه‌ی 95 فه‌رمانبه‌ری ده‌زگای ئاسایشی ئه‌سته‌نبۆڵ که‌ له‌ لایه‌ن داواکاری جمهوورییه‌تی تورکیا و لقی دژه‌ تیرۆری تورکیا ئه‌نجام بووه‌ پاش خوێندنه‌وه‌ی به‌رگری­نامه‌ و لێدوانی تۆمه‌تباران دادوه‌ری دۆسیه‌که‌ حوکمی زیندانی کردنی 85 که‌سی ده‌ر کرد.

له‌ نێوان ئه‌و 10‌ که‌سه‌ی ئازاد کراون سێ که‌سیان ئه‌ستۆپاکییان سه‌لمێندراوه‌ و حه‌وتی دیکه‌شیان به‌ بۆنه‌ی په‌شیمان بوونه‌وه‌یان و ددان نانیان به‌ تاوانه‌کانیاندا به‌خشراون.

شیاوی ئاماژه‌یه‌؛ هه‌ر له‌و بواره‌دا دۆسیه‌ی 153 فه‌رمانبه‌ری ده‌زگای ئاسایشی ئه‌سته‌نبۆڵ ئێستاکه‌ له‌ دادگه‌ دیراسه‌ ده‌کرێت و له‌ ڕۆژانی داهاتوودا کۆبوونه‌وه‌ی دادگه‌ی ئه‌و دۆسیانه‌ش ئه‌نجام ده‌بێت.

سه‌رچاوه‌: ڕۆژنامه‌ی ستاری تورکیا

کۆدی هه‌واڵنێر: 60104