بەپێی هەواڵی کوردپرێس، نوورەدین جانیکلی وەزیری بەرگریی تورکیا ڕای گەیاند: یەکەمین سیستەمی بەرگریی مووشەکیی S400 ساڵی 2019 ڕادەستی تورکیا دەکرێت.

جانیکلی وتی: بەرنامەڕێژی کراوە کە ڕادەست کردنی یەکەمین سیستەمی بەرگریی مووشەکیی S400 ساڵی 2019 ئەنجام بدرێت.

تورکیا زیاتر لە ساڵێکە خەریکی دانووستاندن لەگەڵ ڕووسیایە بۆ کڕینی ئەو سیستەمە مووشەکییە، ڕێککەوتنێک کە بە باوەڕی ولایەتە یەکگرتووەکان و هەندێکی تر لە هاوپەیمانان لە ناتۆ، پشت کردن لە ناتۆیە.

جگەلەوەش هەندێک لە ئەندامانی ناتۆ دەڵێن ئەو موعامیلەیە خەیانەت بە ناتۆیە و سەرەتای ڕووخانی هاوپەیمانەتیەکەیە.

سەرچاوە: حوڕیەت

کۆدی هه‌واڵنێر: 60113