به‌پێی هه‌واڵی کوردپرێس، سه‌رپیل که‌ماڵبای ھاوسه‌رۆکی پارتی دیموکراتیکی گه‌لان (HDP) له‌ کۆبوونه‌وه‌ی فراکسیۆنی پارته‌که‌ی له ‌په‌رله‌مانی تورکیا له‌باره‌ی ھه‌ڕه‌شه‌کانی حکوومه‌تی تورکیا له ‌دژی کانتۆنی عه‌فرین وتی: "ئه‌م ھه‌ڕه‌شه‌ له‌سه‌ر بناغه‌ی دژایه‌تیی کورد ده‌کرێت".

هاوسه‌رۆکی HDP ده‌ڵێت: چاره‌سه‌رکردنی پرسی کوردی تورکیا به‌ستراوه‌ به‌ باشتر بوونی پێوه‌ندیی تورکیا له‌گه‌ڵ کورده‌کانی دیکه‌ی وڵاتانی دراوسێیه‌وه‌.

ناوبراو زیادی ده‌کات: "بۆ ئه‌وه‌ی کیانی کوردی له‌ کوردستانی سووریا دروست نه‌بێت تورکیا ھه‌موو شت ده‌کات. ھه‌تا تورکیا کێشه‌ی خۆی له‌گه‌ڵ کورد چاره‌سه‌ر نه‌کات ناتوانێت له‌گه‌ڵ کوردانی ناوخۆ ئاشت بێته‌وه‌ و‌ ئه‌گه‌ر له‌گه‌ڵ کوردستانی عێراق ئاشت نه‌بێته‌وه‌، ناچاره‌ باجی سیاسه‌تی شه‌ڕخوازانه‌ی خۆی بدات."

سه‌رچاوه‌: هاوارنیووز

کۆدی هه‌واڵنێر: 60103