به‌پێی هه‌واڵی کوردپرێس، یه‌کینه‌کانی پاراستنی گه‌ل (YPG) ڕای­گه‌یاندووه: میدیاکانی حکوومه‌تی تورکیا هه‌وڵ ده‌ده‌ن له ڕێگای بڵاو کردنه‌وه‌ی هه‌واڵی درۆوه هێرشی تورکیا بۆ کانتۆنی عه‌فرین به مه‌شرووع پیشان بده‌ن.
نووسینگه‌ی ڕاگه‌یاندنی YPG له ماڵپه‌ڕه‌که‌ی خۆیدا نووسیی: ماوه‌یێکی زۆره سوپای داگیرکه‌ری تورکیا هێرش ده‌کاته سه‌ر عه‌فرین و به‌رده‌وامه له توندئاژۆیی نواندن دژ به خه‌ڵکی گونده‌کانی سنووری ئه‌و ناوچه‌یه. ڕۆژی دووشه‌ممه له مه‌ودای کاتژمێر 10 تا 12 سوپای تورکیا به تانک و چه‌کی مووشه‌ک­هاوێژ گوندی باسوڤانی کانتۆنی عه‌فرینی کرده ئامانج. YPGش وڵامی ئه‌و هێرشه‌ی دایه‌وه به‌ڵام میدیاکانی سه‌ر به حکوومه‌تی تورکیا ڕایان­گه‌یاند که گوایا هێزه‌کانی ئێمه ده‌ست­پێکه‌ری شه‌ڕ بوون.
حکوومه‌تی تورکیا کانتۆنی عه‌فرین به هه‌ڕه‌شه‌یێک دژ به ئاسایشی خۆی ده‌زانێت و هه‌وڵ ده‌دات ئاماده‌کاری بکات بۆ ئه‌وه‌ی هێرش بکاته‌سه‌ر ئه‌و کانتۆنه. تورکیا هه‌ڕه‌شه‌شی کردووه هێرش ده‌کاته سه‌ر عه‌فرین و YPG له‌و کانتۆنه ده‌کاته ده‌ره‌وه.
سه‌رچاوه: هاوار نیووز
کۆدی هه‌واڵنێر: 60104
Your Comment