کوردپرێس: بەرهەم ساڵح، سەرۆککۆماری عێراق کە بۆ بەشداری لە کۆبوونەوەکانی کۆمەڵەی گشتیی نەتەوە یەکگرتووەکان و پێشکەش کردنی گوتارێک لە نیویۆرکە، لەگەڵ ئەنگێلا مێرکڵ لە کۆبوونەوەکەیاندا، تاوتوێی رۆڵی یەکێتیی ئەورووپایان لە پشتیوانیی عێراق کرد.

بەپێی راگەیێندراوی کۆبوونەوەکە، هەردوولا تاوتوێی پێشھاتەکانی ناوچەکە و جیھانیان کرد، ھاوکات دووپاتیان لە گرنگی پەنابردنە بەر دیالۆگ و لێکگەیشتن لەنێوان سەرجەم لایەنەکاندا کردەوە، بۆ دەستەبەرکردنی ئاسایش و سەقامگیری لە ناوچەکەدا.

74-ەمین کۆبوونەوەی کۆمەڵەی گشتی نەتەوەیەکگرتووەکان لە نیویۆرک بەڕێوەدەچێت و بڕیاریشە سبەی سەرۆک کۆماری عێراق گوتار پێشکەش بکات.

سەرچاوە: ڕووداو

کۆدی هەواڵنێر: 60113