کوردپرێس:
فه‌رمانده‌ی فه‌رمانده‌ییی ناوه‌ندیی سوپای ئه‌مریکا له هه‌ژماری تایبه‌تی خۆی له توویته‌ردا باسی له‌وه کرد که 24 کاژێر دوای په‌یوه‌ندییه ته‌له‌فۆنییه‌که‌ی نێوان وه‌زیری به‌رگریی ئه‌مریکا و تورکیا، هێزی سووریای دیموکرات به‌شێک له سه‌نگه‌ره سه‌ربازییه‌کانی تێکداوه و هه‌نگاوه‌که پابه‌ندبوونی هه‌سه‌ده به پاڵپشتی کردن له جێبه‌جێ کردنی چوارچێوه‌ی میکانیزمه ئه‌منییه‌که ده‌رده‌خات.
وه‌زاره‌تی به‌رگریی ئه‌مریکا له ڕاگه‌یێندراوێکدا بڵاوی کرده‌وه که ڕۆژی 21ی ئه‌م مانگه مارک ئێسپه‌ر وه‌زیری به‌رگریی ئه‌مریکا و خوڵووسی ئاکار وه‌زیری به‌رگریی تورکیا په‌یوه‌ندییێکی ته‌له‌فۆنییان ئه‌نجام داوه و ته‌وه‌ری سه‌ره‌کیی په‌یوه‌ندییه ته‌له‌فۆنییه‌که‌ش قسه‌کردن بووه له‌باره‌ی بابه‌تی ناوچه‌ی ئارام له باکووری ڕۆژهه‌ڵاتی سووریا.
به گوێره‌ی ڕاگه‌یێندراوی وه‌زاره‌تی به‌رگریی ئه‌مریکا، هه‌ر دوو وه‌زیر به گرنگییه‌وه له کاری شانده سه‌ربازییه‌کانیان ڕوانیوه و پێشوازیان له جێبه‌جێ کردنی "میکانیزمێکی ئه‌منی له باکووری ڕۆژهه‌ڵاتی سووریا" کردووه.
له ڕاگه‌یێندراوه‌که‌دا هاتووه که ئه‌مریکا و تورکیا پلانه‌که به چه‌ند قۆناخێک و به هاوئاهه‌نگی له‌گه‌ڵ یه‌کدی جێبه‌جێ ده‌که‌ن.
کۆدی هه‌واڵنێر: 60103
Your Comment