به‌پێی هه‌واڵی کوردپرێس، پارێزه‌رانی ئه‌ردۆغان دژ به بوڵنت تۆزجان وته‌بێژی پارتی کۆماریخوازی گه‌ل (CHP) سکاڵایان تۆمار کردووه و نووسینگه‌ی داواکاری گشتیی ئه‌نقه‌ره‌ش داوای سزای بۆ تۆزجان ده‌رکردووه.
حسێن ئایدین پارێزه‌ری ئه‌ردۆغان له هه‌ژماری تایبه‌تی خۆی له توویته‌ر له‌مباره‌وه ده‌نووسێت: به‌هۆی سووکایه‌تی به سه‌رۆک کۆمار، سکاڵایێکی یاسایی دژ به بوڵنت تۆزجان له نووسینگه‌ی دادستێنی گشتیی ئه‌نقه‌ره تۆمار کراوه.
تۆزجان ڕۆژی 30ی ئه‌کته‌وبر له پارێزگای ته‌کیرداغ ئه‌ردۆغانی به "دیکتاتۆری فاشیست" ناو برد و وتبووی: "هه‌ر لێره‌دا له مه‌یدانی ته‌کیرداغ ده‌ڵێم ئه‌ردۆغان تیرۆریستێکی فاشیسته."
ئیبراهیم کالین وته‌بێژی سه‌رۆک کۆماری تورکیاش کاردانه‌وه‌ی به‌م بابه‌ته هه‌بووه و ئه‌ویش له هه‌ژماری تایبه‌تی توویته‌ری خۆیدا ده‌نووسێت: له‌مباره‌وه هه‌ڵمه‌تی یاسایی ده‌درێت.
به‌کر بووزداغ وته‌بێژی ده‌وڵه‌تیش وته‌کانی تۆزجانی به بێ ئه‌خلاقی هه‌ڵسه‌نگاند.
سه‌رچاوه: حوڕییه‌ت
کۆدی هه‌واڵنێر: 60103
Your Comment