به‌پێی هه‌واڵی کوردپرێس، مه‌لا به‌ختیار له‌ پرێس کۆنفرانسێکدا ڕای­گه‌یاند: ده‌وڵه‌تی عێراق ناتوانێت کورده‌کان ناچار بکات له‌ ناوچه‌ کێشه‌له‌سه‌ره‌کانی نێوان به‌غدا-هه‌ولێر بچنه‌ ده‌ره‌وه‌؛ چوونکه‌ ئه‌و ناوچانه‌ له‌ ڕابردوودا هه‌ڕه‌شه‌ی ئه‌منی زۆرێکیان لێکراوه‌ و پێشمه‌رگه‌ له‌ ماوه‌ی 4 ساڵی ڕابردووی هاتنی داعش بۆ عێراق، به‌ره‌ڤانیان له‌وان کردووه‌.

مه‌لا به‌ختیار ئاماژه‌ی دایه‌ ئه‌وه‌ی که‌ سیاسه‌تی یه‌کێتیی نیشتمانی به‌ستراو به بنه‌مای سه‌ور و مکووڕی له‌سه‌ر کاراکردنه‌وه‌ی په‌رله‌مانی کوردستانه‌، زیادی کرد: به‌ڕێوه‌ بردنی ڕیفراندۆمی سه‌ربه‌خۆییی هه‌رێمی کوردستان تا کاتێک که‌ په‌رله‌مانی کوردستان داخراوه‌ بێت‌، مومکین نابێت.

ناوبراو سه‌باره‌ت به‌ ململانێیه‌کانی نێوان به‌غدا-هه‌ولێر به‌ بوونی ناعه‌داڵه‌تی له‌ دابه‌شکردنی داراییه‌کانی عێراق و نه‌بوونی هاوبه‌شێکی ڕاسته‌قینه‌ له‌ نێوان دوو لایه‌ن، وتی: کێشه‌کانی عێراق ته‌نها تایبه‌ت به‌ سه‌رۆکایه‌تیی هه‌رێمی کوردستان نییه‌، به‌ڵکوو په‌یوه‌ندی به‌ پرسێکی زۆر له‌وان ئیداره‌ی ده‌وڵه‌تی عێراقه‌وه‌ هه‌یه‌.

مه‌لا به‌ختیار سه‌باره‌ت به‌ هه‌ڵوێستی ئێران و تورکیا سه‌باره‌ت به‌ به‌ڕێوه‌بردنی ڕیفراندۆمی هه‌رێمی کوردستان، زیادی کرد: ئه‌و هه‌ڵوێستانه‌ گرینگیی زۆریان هه‌یه‌؛ چوونکه‌ ئێمه هاوڕا نین‌ له‌گه‌ڵ ئه‌وه‌ی هه‌رێمی کوردستان ببێته‌ هۆکارێک بۆ هه‌ڕه‌شه‌ی دیکه‌ی وڵاتان.

سه‌رچاوه‌: ماڵپه‌ڕی هه‌واڵیی "بغداد الیوم"

کۆدی هه‌واڵنێر: 60104