کوردپرێس- به‌ گوێره‌ی ئه‌و زانیارییانه‌ی وه‌ده‌ست هاتوون هێزی تایبه‌تی سوپای سووریا که‌ بۆ ئازادکردنه‌وه‌ی ده‌یره‌زوور ئۆپه‌راسیۆنێکی به‌رفراوانی ده‌ست‌پێکردووه‌ له‌ 12 کاژێری ڕابردوودا پێشڕه‌وییێکی به‌رفراوانی له‌ به‌ره‌ی شه‌ڕدا کردووه‌ و گه‌شتۆته‌ 20 کیلۆمه‌تریی سه‌نته‌ری ده‌یره‌زوور.

به‌ گوێره‌ی زانیارییه‌کانی ماڵپه‌ڕی هه‌واڵده‌ریی "المصدر" سوپای سووریا به‌نیازه‌ 18 کیلۆمه‌تریش به‌ره‌و ده‌یره‌زوور پێشڕه‌وی بکات و ئه‌و شاره‌ گرینگ و ستراتێژیکه‌ به‌ ته‌واوه‌تی گه‌مارۆ بدات.

ڕێکه‌وتی گه‌مارۆکه‌ مانگی ئه‌کته‌وبر ڕاگه‌یێندرابوو به‌ڵام به‌ ئاوڕدانه‌وه‌ له‌ پێش وه‌چوونی به‌رفراوانی سوپای سووریا که‌ به‌ پاڵپشتیی ئاسمانیی فڕۆکه‌ شه‌ڕکه‌ره‌کانی ڕووسیا ئه‌نجام بووه‌ زۆر زیاتر له‌و کاته‌ ڕوو ده‌دات و هێڵی به‌رگریی داعش به‌ ئه‌گه‌ری زۆره‌وه‌ زووتر له‌ کاتی دیاری‌کراو تێک ده‌شکێندرێت.

شیاوی ئاماژه‌یه‌؛ ده‌یره‌زوور له‌ ساڵی 2014ه‌وه‌ له‌لایه‌ن تیرۆریستانی داعشه‌وه‌ داگیر کراوه‌.

سه‌رچاوه‌: هه‌واڵده‌ریی زه‌رنیووز

کۆدی هه‌واڵنێر: 60103