به‌پێی هه‌واڵی کوردپرێس، زالمای خه‌لیل‌زاد له‌ کۆنفڕانسێکی ڕۆژنامه‌وانیدا ڕای‌گه‌یاند: به‌ڕێوه‌بردنی ڕیفراندۆم له‌ هه‌رێمی کوردستان به‌ مانای دامه‌زراندنی وڵاتی سه‌ربه‌خۆی کوردستان نییه‌ و کشانه‌وه‌ی مه‌سعوود بارزانیش له‌ بڕیاری به‌ڕێوه‌بردنی ئه‌و گشتپرسییه‌ دووره‌ له‌ چاوه‌ڕوانی‌ چوونکه‌ ڕیفراندۆم به‌ قازانجی جه‌ماوه‌ری حیزبه‌ کوردستانییه‌کان ده‌بێت که‌ له‌و باره‌یه‌وه‌ ئیتیفاقێک له‌ نێوان واشنتۆن، به‌غدا و هه‌ولێردا ئه‌نجام ببێت.

خه‌لیل‌زاد سه‌باره‌ت به‌ چاره‌نووس و ئاکامی سووریاش وتی: سه‌ره‌ڕای ئه‌وه‌ی شه‌ڕی ناوخۆ له‌ سووریا چاره‌نووسی ئه‌و وڵاته‌ دیاری ده‌کات وێده‌چێت کورده‌کانی سووریا بتوانن تا 15 یان 20 ساڵی داهاتوو وڵاتێک بۆ خۆیان دابمه‌زرێنن چوونکه‌ ناوچه‌ کوردنشینه‌کانی ئه‌و وڵاته‌ پێکه‌وه‌ نه‌به‌ستراون و ناوچه‌ جوگرافیاییه‌کانی له‌گه‌ڵ ناوچه‌ جوگرافیاییه‌کانی هه‌رێمی کوردستانی عێراق جیاوازن.

سه‌رچاوه‌: که‌ناڵی ته‌له‌فزیۆنیی "التغییر"

کۆدی هه‌واڵنێر: 60103