بەپێی هەواڵی کوردپرێس، له دیدارەکەدا دۆخى ئێزدييان له که‌مپه‌کانى ئاواره‌يى و شه‌نگال و له ده‌ره‌وه‌ى وڵات تاوتوێ کرا و تيشک خرايه سه‌ر به‌رده‌واميى پرۆسه‌ى ڕزگار کردنى ڕفێنراوانى ئێزدى و ژيان و گوزه‌رانى ڕزگارکراوان و چۆنيه‌تيى يارمه‌تيدانيان.
هه‌ردوولا جه‌ختيان له گرنگيى بايه‌خدانى به‌رده‌وام به دۆخى ئێزدييان و جێبه‌جێ کردنى ڕێککه‌وتنى حکوومه‌تى هه‌رێمى کوردستان و حکوومه‌تى فيدراڵيى عێراق بۆ ئاساييکردنه‌وه‌ى دۆخى شه‌نگال کرده‌وه، بۆ ئه‌وه‌ى خه‌ڵکى ناوچه‌که بتوانن بگه‌ڕێنه‌وه شوێنه‌کانيان و له‌سه‌ر ئاستی هه‌رێمى کوردستان، عێراق و جيهان يارمه‌تى بدرێن بۆ ئاوه‌دان‌کردنه‌وه‌ى شه‌نگال و ناوچه‌که به‌گشتى.
نێچيرڤان بارزانى به‌رده‌واميى هه‌موو پشتگيرييه‌کى بۆ ئێزدييان و پاراستنى مافه‌کانيان له عێراق و هه‌رێمى کوردستان دووپات کرده‌وه، هه‌روه‌ها دڵنيايى دا که پرۆسه‌ى ڕزگارکردنى ڕفێنراوان و ئاشکراکردنى چاره‌نووسيان به‌رده‌وام ده‌بێت و هه‌رچى پێويست بێت بۆ ڕزگارکردن و يامه‌تيدانيان، درێخى ناکرێت.
Your Comment