بەپێی هەواڵی کوردپرێس، ئاژانسی فەرمیی سووریا لەسەر زاری سەرۆکایەتیی ئەنجومەنی وەزیران و وەزارەتی دەرەوەی سووریا، بڵاویکردەوە کە بەرەبەیانی ئەمڕۆ دووشەممە، وەلید موعەلیم، وەزیری دەرەوەی سووریا و جێگری سەرۆکوەزیران کۆچی دوایی کردووە.

وەلید موعەلیم کە لە دایکبووی دیمەشقە، لە شەستەکانی سەدەی رابردووەوە لە وەزارەتی دەرەوەی سووریا دامەزراوە، بە درێژایی نزیکەی 60 ساڵی رابردوو چەندین پۆستی لەو وەزارەتە وەرگرت.

وەلید موعەلیم:

- ساڵی 1941 لە دیمەشق لە دایکبووە.

- لە ساڵی 1963 لە زانکۆی قاهیرە بەکالۆریۆسی لە ئابووری و زانستە سیاسییەکان وەرگرتووە

- لە ساڵی 1964ەوە لە وەزارەتی دەرەوە کاری کردووە

- 1975 تاوەکوو 1980 باڵیۆزی سووریا بووە لە رۆمانیا

- 1990 تاوەکوو 1999 باڵیۆزی سووریا بووە لە ئەمریکا

- ساڵی 2000 یاریدەدەری وەزیری دەرەوە بووە.

- ساڵی 2005 بووەتە جێگری وەزیری دەرەوە.

- ساڵی 2006 بووەتە وەزیری دەرەوەی سووریا.

- ساڵی 2012 بووەتە جێگری سەرۆکوەزیرانی سووریا.

کۆدی هەواڵنێر: 60113